唐包點

營業中

休息中

行過唐包點，估唔到佢出左新野 wo , 有布丁狗樣既奶黃包，仲有布丁燒，見到幾得意就買左，順便買多兩個包同個點心比屋企人食，但中午去到已經咩都冇，包類同點心要咩冇咩，得番幾款選擇有 d 可惜最後唯有買番薯包，菜肉包，同埋燒賣，不過不失，d 包都大大個幾抵食布丁燒原本冇咩大期望，雖然唔係布丁狗 fans , 個袋都特別用布丁狗袋裝住，貪個樣得意都買左黎試下，估佢唔到又幾出色，布甸好滑身，焦糖味係下面浸住d 布丁食落都唔錯，食落幾甜，正面既布丁狗公仔印得好得意之餘，蛋糕都好香，真心唔錯幾好食