岩浪天扶良日本料理

營業中

休息中

朋友生日，於是早一個月book左岩浪餐廳，叫左兩set 12件壽司+4件天婦羅。搬左新鋪頭，景觀開揚好多，我笑言師傅曬住太陽做野辛苦不少。鋪頭靚左，價錢卻不變，反而唔使特意用兩件壽司換岩浪手卷，變相多左一舊，開心。相片所見，壽司有：石蝶魚壽司，鰤魚壽司，小池魚壽司，大拖壽司，鯖魚壽司，赤身壽司，帆立貝壽司，右口魚壽司，海膽壽司，牡丹蝦壽司，海鰻壽司，沙甸魚壽司。天婦羅就有蝦，帶子，鮑魚同番薯。最令人鐘愛始終都係大拖，魚油不多，但魚味濃郁，略有筋，但咬落筋魚油慢慢慘出來，令人回味。洪師傳亦十分健談，介紹每件壽司的源來。如大拖來自愛爾蘭，因日本拖羅現時未夠肥美。處理食材也十分認真，海漫壽司的飯是熱的，和魚融為一體。早前上網做過功課，榮師傅的天婦羅是馳名的，於是特意預訂，果真出色，尤其鮑魚，先磯煮，再炸，不用調味就已經鮮味。朋友原先話16件壽司怕不飽，食完才知是怡笑大方，已經想預約下一次。