恆香冰室

營業中

休息中

返工附近開左間新冰室，好耐無試新野，應該講我好耐無返工啦。開左都唔知。發現間冰室好乾淨好光猛。所以專登下午茶走去試下。同朋友一行三人，叫左三樣野食，都覺得幾好食同埋都抵食。朋友叫左個蒜香雞扒同雞脾下午茶。而我就叫左個流心西多士。雞扒煎到好香,配合蔥油同蛋, 朋友覺得好夾, 亦唔會好肥感覺，埋相好靚，雞扒都滑身下。朋友呢個都值９０分喎，但如果蔥油多返少少就好啦！蜜汁雞脾西多士，我自己就無試啦，不過朋友話試左甜蜜蜜咁，好似有甜蜜蜜感覺～哈哈因為佢話好甜之餘又帶種雞脾咸咸感覺，朋友話唔差。下次都要試。到我自己個個流心奶皇西多，哇，未食已經聞到香味了，切出黎，咸蛋王，流晒出黎，超邪惡既一個下午茶，流心又多，自己食到好飽。呢個真係好好食！但食完之後一定肥３磅。要去附近樓梯街行返個圈先。我同兩個朋友食完都對恆香改觀左，以前成日得覺得老婆餅好食，原來其他食物都可以做得好。可以再值得一試。