恆香冰室

營業中

休息中

第一次係呢間餐廳買飯食，其實呢個地段呢個價錢，午餐有焗飯、包餐湯同熱飲真係唔貴，賣相同食物質數都唔差嘅 (除咗薯仔唔算太”林”之外)好彩由右邊食起，食咗約3分1，發現左邊有啲不明物體嘅嘢係堆雞件度，扯出嚟後原來係一個透明大膠袋 🤢 無心情食lu，都唔會再有下一次

我以為自己食緊鹽，完全咸到成盒掉左根本就系放吾到落口.仲要完全不負責任話口味吾同. 我嗌外賣，全家人都試左1啖個個都話咸到食吾到.真系垃圾餐廳黎，差到不得了，絕無下次！

上環恆香冰室恆香老婆餅好出名 以前一直以為得餅類take away🥡第一次發現有堂食嘅冰室📍位置好方便 就係上環站exit b向左行小小鋪頭空間都算大 weekend下午茶時段去唔洗等位👏🏽聽人介紹呢度菠蘿包好好食🥰但今次太肚餓就叫咗常餐😛😛餐牌食物算多種類🤔下午茶餐幾抵食常餐c: 叉燒湯通 配火腿炒蛋多士 熱奶茶 ($53)上餐速度幾快熱奶茶同通粉都不過不失啦 不過粉嘅份量好似僱小🫢個炒蛋一開頭睇落驚太油太咸不過食落都幾好 保留到蛋嘅原味塊多士有啲太多牛油🥵不過質地係好食的雖然上餐快 但都食得出唔係早整定蛋係熱 多士仲係脆 如果少油就perfect啦😛😛講下服務🫡真係聞名不如見面 睇comments話佢服務差即管去試吓 結果都真係唔firm佢係帶位制定咩 所以一入去就同個迎面嘅員工講幾位🙂結果佢係一啲反應都冇 行走咗🫡好尷尬嘅情況下我就自己揾位坐 然後第個staff就比杯水我🥹第二個尷尬位又嚟😉就係舉極手都冇人嚟同我落單 我有幾秒仲懷疑係咪qr code落單如果係full house好忙我可以理解🫡但其實員工好幾個 全部堆晒係一個位 一啲掛住同熟客傾計都唔寫野 一啲行嚟行去都”見唔到

過曬食晏時間本來諗住食tea算數，經過呢間餐廳見佢多卡位好似幾好坐咁就入嚟試下，坐低望下餐牌，見到佢有個避風塘椒鹽豬扒爆蛋撈飯，有個招牌標誌喺隔離，就決定試一試佢。上枱賣相ok，豬扒份量算多，而且有兩隻蛋，感覺唔錯，而且有細心剪開一節節，點知食落就大失所望。椒鹽豬扒雖然望落夠火候，但一咬落，嘩…. 咁韌嘅！自問仲算後生，牙力都叫良好，但件豬扒又韌又鞋，好似食緊香口膠咁。我都仲叫做用多啲力就咬到，牙力無咁好嘅我想像唔到。除此之外，豬扒得個咸字，無椒鹽嘅入口味度，食完飲埋杯嘢飲都仲覺得口渴，完全唔掂。本人不嬲盡量食嘢唔嘥嘢，一般嚟講上碟嘅我會連一粒米都唔剩，但呢塊豬扒我盡曬力，真係食唔到落去，剩低嘅有相為證。

入餐廳一坐低 打算叫午餐C 隔咗2分鐘店員走過嚟話午餐C賣晒 之後向店員查詢午餐餐牌仲有乜野 被告知只有午餐B 於是叫午餐B 店員打單後隔1分鐘又走過嚟 告知所有午餐已售罄，叫我轉其他選擇。餐牌乜嘢都冇學咩人開門做生意？其一其二，遲過我叫嘅人都有午餐食，證明餐廳內欠缺溝通，而且嗰幾台客人係經常幫襯，證明只做熟客生意其三，乜嘢都冇得店員竟然認為係老奉，到底搞清楚邊個係顧客未？市道咁差 態度依然惡劣 認為自己高人一等 祝你哋好運

約友人在上環快食午餐，他介紹了這一家中午未到1:00 時，門口已經有10幾人喺度排隊等緊，侍應好友善地比左張紙排隊，隔咗15分鐘左右已經有位佢哋嘅設計幾特別，有好多二人嘅卡位，我哋兩個人啱啱好，唔使同陌生人坐埋一齊見到餐牌覺得佢哋都幾吸引我揀咗個「馬蹄肉餅加蔥油煎蛋」，送到枱面前，賣相好吸引，味道都好好，蔥油好香，煎蛋脆邊，肉餅都好大份朋友點咗「芝士焗魚柳」，就算係焗的午餐，都好快送到上枱，效率好高午餐包一個蘑菇忌廉湯，個湯都正常奶茶咖啡都冇問題值得推介俾大家

以往食過幾次避風塘椒鹽豬扒雙蛋飯，雖然我本人覺得價錢略高，但以往食過幾次都幾回味，所以今日都專登走去食多一次避風塘豬扒煎雙蛋飯，但今日食過之後就唔會再有下次，豬扒飯一嚟到已經唔開胃，啲豬扒係油浸咁樣，濕納納，口感唔使講，豬扒底啲油多到一個點，油浸飯，啲飯有啲都食唔到，一啲椒鹽嘅香味都冇，老實講食兩餸飯好過佢，但價錢佢貴人一倍，雖然有得坐，但餐廳明明有位就要你同人搭枱，指派咗個位置俾你坐，轉頭又叫你起身坐第二度。個豬扒雙蛋飯本身係$68，跟熱飲要$71蚊，凍動飲要$74，咁嘅質素真係冇下次。下次食飯幫襯啲餐廳真係要睇吓負評先好去幫襯。

之前外帶過菠蘿包和其它包點，品質都不錯。這次想著來試一下菠蘿油，沒想到超級伏！菠蘿包包皮完全不脆，感覺就是嗰隔夜包。包也不熱，只是微微溫，牛油完全不能融化。真的太難吃了！

【中西區】【恆香冰室】之前同經理哥去咗酒經攪嘅「酒經2023聖誕市集」，又飲又食，玩得好開心。完事之後我哋就喺附近搵啲嘢食吓，我就講明我唔食蟠龍粉麵茶餐廳，因為我喺 1am1246 已經寫過。佢係抵食嘅，只係我唔太想翻炒食過嘅餐廳。經理哥最後揀咗呢間「恆香冰室」，好似係恆香老餅家開嘅副線餐廳嚟，感覺幾新鮮。由於大家都唔係喺最肚餓嘅狀態，因此我哋都係一人叫一份「休閒下午茶」就算。加上當時係喺下午茶時段，叫下午茶嚟食感覺好似抵啲。經理哥叫咗 $43 嘅「烤焗蜜汁雞髀拼西多士」，加 $3 飲「凍奶茶」少甜。我有問過佢味道如何，佢就求求其其咁答咗我一句「okay 好食」就算，我嘅理解係正正常常唔失禮咁。而我自己當然係叫返呢度嘅特色，下午茶都有得叫。就係 $32 嘅「恆香出爐招牌老婆餅」兩個，我真係第一次堂食老婆餅，仲請經理哥食咗件，配杯「熱奶茶」感覺幾新奇有趣。另外仲叫咗件 $7 嘅「出爐蛋撻」，呢個就一般喇。食唔到蛋黃酥之下，咁樣兩個餐 $85 埋單都唔係貴。。。（地址：上環德輔道中243-247號德佑大廈地舖）

平日午飯時間好多人，排隊排左10分鐘左右入去。我同同事兩個人，侍應安排我哋坐一邊卡位。叫咗午餐好快就到，味道普通，例湯用粉開。大概食左10分鐘食到一半，侍應要求我地調位坐去另一張卡位，比另一台食客五個人坐埋一齊。由於我哋食到一半都唔想郁嚟郁去，所以拒絕咗。侍應阿姐大大聲俾說話我地聽，同遠處個侍應講「佢哋唔肯調呀！」仲要唔只講一次！請問食到一半叫人調位係咪合理？態度仲要咁差係咪想趕客？人均70，茶餐廳黎講唔係特別平，食到背脊骨落真係冇下次！

【圖文可能不符】上環返工，頭幾次幫襯都正正常常，散叫都OK，我午餐同早餐都間唔中食下，Lunch多人排隊，通常叫炒飯或炒蛋牛蝦叉燒咁，味道同份量都可以。次前早餐試過一次冇下次，明明預半粒鐘慢慢歎個早餐，都係炒蛋沙爹牛，等左10分鐘野飲都未到，問伙計漏單跟一跟，差唔多25分鐘先到。最後要我鯨吞快食，裙甩褲甩。。。點知今日去幫襯，叫午餐XO醬乾炒牛河，係一早煮好預熱我都算，求其畢出嚟，得一兩片牛，隔離枱女士都係咁叫伙計換，先多番4至5片，乜家陣牛咁貴，定佢用高級食材我唔知？仲有餐湯食完野先送嚟，仲要唔熱，杰撻撻，飲一啖即吐。好伏……經歷今次之後，冇下次了！間野樓面同廚房都係求求其其.....仲要收人$66，唔好成日笑人北上消費啦，咁嘅質素叫人食，真係做衰自己。

全日早餐包飲品超豐富只係$60 原條吉列魚柳法蘭克福腸3.6牛乳炒蛋粟米薯餅茄汁焗豆因為冇牛角包，所以轉左走油多士炸魚柳真係超級大條，而且麵包糠外層超級香脆，魚肉保持嫩滑，相當唔錯。長而幼法蘭克福腸，微微煎香，外皮腸衣都幾脆口。其他嘢就正常發揮👌🏼長方形 菠蘿紅豆包 $10包雖然凍左，但波蘿皮仍香脆可口，紅豆餡豐滿漲卜卜，不會過甜，這個包有水準。熱奶茶 $20 茶香不俗 ，溫度足；㗳一口茶不澀但不夠滑，茶味瞬間即逝。整體而言如果杯奶茶最好飲啲，都係一個唔錯嘅茶餐廳。

同時叫美極干炒牛河加普通干炒牛河，伙記落錯order，幸發現得早改回，但兩款牛河黎到竟然一樣...之前兩款都食過，牛河炒得幾出色，牛河炒得乾身唔油牛肉亦香口，肉質熟度啱啱好，的確抵讚！！而加添美極炒，更能令成個牛河升華。所以後黎每次都會叫美極干炒牛河，可惜，唔知師傅係睇錯單，定係想一次過炒，變成了兩道同味，唯有叫伙記攞支美極自己後加，但同原本炒嘅時候加就好唔同，失望...

好日都唔會經過上環，今日發現「恆香冰室」是一個值得推薦的地方，為我提供了一個優質的下午茶體驗。試咗佢哋嘅焗肉醬意粉同凍檸茶，味道確實不錯。焗肉醬意粉的味道令人滿意。意粉煮得剛剛好，有著彈牙的口感，而肉醬則濃郁而香濃，淋在意粉上，每一口都充滿了豐富的味道。焗得香脆的芝士在頂部形成了美味的金黃色外殼，增添了一層額外的風味。凍檸茶是我下午茶的必點飲品。它的口感清新，檸檬的酸甜與茶的苦澀相互平衡，給人一種愉悅的口感。凍凍的感覺在夏天尤其適合，讓人感到涼爽舒暢。總的來說，上環恆香冰室的下午茶體驗給我留下了不錯的印象。焗肉醬意粉的濃郁味道和凍檸茶的清新口感都令人滿意。

想食老婆餅， 所以係附近時入左黎恆香冰室食Lunch ～ 老婆餅 ： 新鮮出爐係好食既， 外脆內軟😋咖喱焗牛腩飯：料多，咖喱入味，幾好味🤤菠蘿包麻麻地 ：包唔夠軟熟，食半個就唔想食🥲簡單食餐 ok ✅