鮨一魂 (已結業)

勁高質lunch omakase!不嬲都好鍾意食lunch omakase因為通常壽司都比較多，而且價錢比晚市平. 今日我就嚟到呢間香港銅鑼灣皇冠假日酒店入面嘅鮨店試下先！佢個lunch有三款唔同嘅餐，今日我就食咗比較平嘅Sakura set, 有一款前菜、一款刺身、壽司10件同味噌湯同甜品，午餐來講絕對夠食。刺身同壽司每一樣都非常新鮮，魚味鮮甜，我自己最鍾意就係個刺身間八同時令嘅深海星鰻壽司，第二道都好少食到👍🏻另外茶碗蒸都非常出色，熱辣辣蛋又滑，入面好足料，啖啖都食到海鮮嘅香味。最後食埋個抹茶紅豆雪糕，為呢餐高質嘅午餐畫上句號，正！