花朝軒 (已結業)

年初二開年午餐…早兩日經過附近，見到花朝軒啱啱開將！八掛下原來主要做小菜加D上海菜！見佢仲有做茶市添！好想試！機會黎啦！正諗緊去邊同媽咪食個開年lunch, 今朝年初二打電話博一博！原來已經開市，咁就訂左1130！坐低望下張點心紙，選擇非常小！不過正所謂貴精不貴多！最緊要好食！我地點左蝦餃，燒賣，排骨，炒麵，煎腸粉，叉燒飽等等…食物逐一黎到！不過大部份食物質素就真係麻麻！麻辣煎腸粉…就咁將豆板醬加入腸粉再煎！蝦餃同燒賣！唔知係返蒸定點…一夾d皮就爛！其他野就不過不失！冇驚喜！不過服務有待改善！可能唔係做開樓面！問左3個人攞辣椒醬都無功而還！仲有其中一位人兄！我加單後佢拎走左張單！之後我問佢我地叫既點心到齊未！佢答我…”你自己睇番張點心紙睇下咪知齊未…”我再話…”你攞走張單！”…佢就答我”冇可能”就行左去…轉頭就攞住張單返黎！仲未完！佢話我地加單既甜品冇哂！我就問佢有冇其他甜品仲有供應！佢答我..”我剩係肯定你叫既就冇！仲有乜就唔清楚！”真係唔知佢係新手定唔想做！好彩價錢尚可接受！埋單2××！謝謝！