影片
更多
2021-10-23
156 瀏覽
朋友生日，想帶佢去好啲嘅餐廳慶祝，觀塘新開左呢間酒店餐廳，價錢又OK，於是帶佢嚟試下。嚟到餐廳，環境一流，餐廳行簡約風，座位寬敞舒適，景色方面，居高臨下，可以遠望獅子山，景致開揚，仲可以睇到部份海景。我哋每人叫一個set lunch，主菜分別揀咗澳洲穀飼肉眼扒，蜜餞西班牙黑豚肉眼扒。點餐之後侍應好快就送來麵包籃，有香草軟麵包同埋麵包脆片。個人好喜歡麵包脆片，鹹香十足又香脆。田園沙律沙律菜非常新鮮爽脆，仲有橄欖油黑醋汁同埋醃蕃茄做dressing。煙三文魚擺盤精緻，砌成一個三文魚花，而且份量都幾多，三文魚軟滑，鹹香適中。西洋菜大蒜薯蓉湯呢個用西洋菜做嘅西式湯好特別，西洋菜打得幼細混合薯蓉，濃稠度適中，淡淡嘅西洋菜味加上香蒜味，未到唔會單調。食完頭盤，主菜好快就送到。澳洲穀飼肉眼扒牛扒煎得好香，我哋點了五成熟，火候啱啱好，牛扒肉質ok，冇筋，牛味都幾濃。伴碟嘅小薯仔一點也不馬虎，放咗芝士去焗。蜜餞西班牙黑豚肉眼扒呢個黑豚肉眼扒賣相同做法都有啲似中式嘅叉燒，不過係成塊扒咁西式上碟。黑豚肉眼扒好厚切，用慢煮嘅做法果然一點也不嚡口，肉質鬆軟而且爽口，有肉味， BBQ醬汁夠惹味，蜜糖甜度也剛好。甜
我哋每人叫一個set lunch，主菜分別揀咗澳洲穀飼肉眼扒，蜜餞西班牙黑豚肉眼扒。
點餐之後侍應好快就送來麵包籃，有香草軟麵包同埋麵包脆片。個人好喜歡麵包脆片，鹹香十足又香脆。
田園沙律
沙律菜非常新鮮爽脆，仲有橄欖油黑醋汁同埋醃蕃茄做dressing。煙三文魚擺盤精緻，砌成一個三文魚花，而且份量都幾多，三文魚軟滑，鹹香適中。
西洋菜大蒜薯蓉湯
呢個用西洋菜做嘅西式湯好特別，西洋菜打得幼細混合薯蓉，濃稠度適中，淡淡嘅西洋菜味加上香蒜味，未到唔會單調。
食完頭盤，主菜好快就送到。
澳洲穀飼肉眼扒
牛扒煎得好香，我哋點了五成熟，火候啱啱好，牛扒肉質ok，冇筋，牛味都幾濃。伴碟嘅小薯仔一點也不馬虎，放咗芝士去焗。
蜜餞西班牙黑豚肉眼扒
呢個黑豚肉眼扒賣相同做法都有啲似中式嘅叉燒，不過係成塊扒咁西式上碟。黑豚肉眼扒好厚切，用慢煮嘅做法果然一點也不嚡口，肉質鬆軟而且爽口，有肉味， BBQ醬汁夠惹味，蜜糖甜度也剛好。
甜品及鮮果
甜品有兩件小蛋糕，分別係咖啡朱古力蛋糕同埋檸檬芝士蛋糕賣相好平實，但味道有驚喜。二鮮果就有菠蘿同埋兩款蜜瓜。
餐茶我哋分別叫咗熱咖啡同埋熱奶茶，餐廳好細心，個杯好保暖，而且奶都係經過加熱的。
我哋見餐廳環境咁好，決定坐多一陣喺度傾吓計，所以就嗌多兩杯飲品慢慢嘆，我個杯係用咗士多啤梨、桃同埋橙汁打成嘅，而朋友嗌嘅就係用咗菠蘿，奶同埋碟豆花整成嘅沙冰，我哋兩個都覺得杯飲品成份好天然，唔會話加咗啲人造調味落去，感覺好健康。
總括而言，呢間餐廳嘅環境同埋食物質素都幾好，服務亦都唔錯，雖然係響酒店裏面，但係價錢都好合理，性價比幾高。
張貼
