4口

營業中

休息中

最近呢間主打福建菜嘅餐廳喺荃灣開咗旗艦店，午市，晚餐同Omakase有唔同菜式供應，但想食廚師發辦嘅話要提前一日Book定。店內環境行木系風，日式裝潢，坐落舒適。食物份量唔多而且價格合理，店員服務態度友善，幾適合同另一半嚟聚餐。前菜有松子薑蓉菠菜、涼拌萵筍絲、家鄉土筍凍同臘味雞卷，全部細細碟，凍冰冰，最鍾意係臘味雞卷，淡淡鹹香氣，咬落軟嫩，十分開胃。湯品有姬松茸竹笙排骨同蓮子牛蒡素湯，熱辣辣，入口滑順，夠滋潤，仲有好多配料，性價比高。主食有幾款飯同麵類，高麗菜五花肉燜飯口感煙韌，軟糯可口，味道適中，唔會過淡或過鹹，上面有幾塊五花肉，偏瘦但可接受。高麗菜燜炒米粉就比較清淡，建議可以撈湯或主菜嘅醬汁增添味道，重口味人士未必適合。麵條要咗廈門沙茶同菌菇牛肉麵，前者微微辣，好惹味，麵條吸滿湯汁，唔覺唔覺就食晒。後者帶香濃牛味，而且估唔到肉質幾嫩！另外有砂煲豆醬焗黃魚，除咗骨多咗少少之外，無論係賣相同味道都好出色，下面仲有好多蒜頭，讚👍 最後以白茶流心丸同枇杷凍作結，大滿足～