BIG MAMA

營業中

休息中

今日試咗喺尖沙咀新開嘅韓國餐廳🇰🇷門面望落好闊落，店員友善有禮，坐嘅位置都好夠空間～點餐後店員好快送上前菜，今日有四款，包括泡菜同芽菜，食住微辣泡菜等寧舍開心😍韓式雞肉蓋飯🍗：雞嘅肉質經烹煮後仍然保持嫩滑質感，加埋配菜同微辣嘅醬汁送飯一流👍🏻海藻海鮮刀削麵💚🦐：好鍾意呢款！湯好清，飲落順口。刀削麵保持彈性唔會煮到太腍，加埋海藻特別嘅味道更清新！海鮮有蝦、蜆同青口，唔會煮得太耐而老咗同鞋口，加埋有海藻嘅湯令海鮮更加鮮甜😋韓式煎餃子🥟：煎到金黃唔會有微燶，咬落脆口，餃子皮唔會太厚，同入面餡料份量都恰到好處！同埋食落冇乜油膩感🤤店員仲話食得海藻多皮膚會白，下次要再嚟食！