Poking

Item: Poking
Rating: 4
Author: KatrinaChan9607

4.5

362 食評

味道

環境

服務

衛生

抵食

4915

上環

$51-100

多國菜壽司/刺身沙律

複製到剪貼簿

343

KatrinaChan9607

等級4

210

有時想食得清啲嘅時候，都會即刻諗起poke。自從前幾年帶入香港市場之後，好似都幾受歡迎。上環都開咗幾間，應該都幾有market。雖然佢一大賣點係可以自己揀配料，但係今日都係試咗呢兩個preset:spicy ahi tuna($108): 吞拿魚，枝豆，青瓜，芒果，青辣椒，芝麻碎，紫菜絲配辣醬油。辣豉油都真係有返一定嘅辣度，而且配上青辣椒，食到辣椒籽嘅時候都真係會幾辣嘅。但係巧妙地配上芒果，可以清一清味蕾。同行有人揀咗壽司飯，適中，但係可以喺自助落單嘅時候揀多飯定係少飯嘅，配合返唔同人嘅需要。Creamy baby($118):三文魚，牛油果，雞蛋絲，青瓜，豆腐，蟹籽，木魚絲，脆炸蒜粒配芥末乳酪沙律醬。自己係衝着呢個醬嚟嘅，食落去好奇妙，有微微嘅Wasabi味，配上三文魚同牛油果又係另一番滋味，出邊應該冇乜食過呢個醬，感覺幾新鮮。自己揀咗一半糙米飯一半沙律菜，所以感覺上份量會大少少。而且醬汁份量都可以揀，個人覺得下次可以叫多醬($+$3)，食到下面嗰層飯嘅時候都可以撈到多啲Wasabi味。總結：QR code可以落單，等候時間大概幾分鐘就做好。分量同其他舖頭相比自己嘅都覺得差唔多，但係

有時想食得清啲嘅時候，都會即刻諗起poke。自從前幾年帶入香港市場之後，好似都幾受歡迎。上環都開咗幾間，應該都幾有market。雖然佢一大賣點係可以自己揀配料，但係今日都係試咗呢兩個preset:

spicy ahi tuna($108): 吞拿魚，枝豆，青瓜，芒果，青辣椒，芝麻碎，紫菜絲配辣醬油。辣豉油都真係有返一定嘅辣度，而且配上青辣椒，食到辣椒籽嘅時候都真係會幾辣嘅。但係巧妙地配上芒果，可以清一清味蕾。同行有人揀咗壽司飯，適中，但係可以喺自助落單嘅時候揀多飯定係少飯嘅，配合返唔同人嘅需要。

Creamy baby($118):三文魚，牛油果，雞蛋絲，青瓜，豆腐，蟹籽，木魚絲，脆炸蒜粒配芥末乳酪沙律醬。自己係衝着呢個醬嚟嘅，食落去好奇妙，有微微嘅Wasabi味，配上三文魚同牛油果又係另一番滋味，出邊應該冇乜食過呢個醬，感覺幾新鮮。自己揀咗一半糙米飯一半沙律菜，所以感覺上份量會大少少。而且醬汁份量都可以揀，個人覺得下次可以叫多醬($+$3)，食到下面嗰層飯嘅時候都可以撈到多啲Wasabi味。

總結：QR code可以落單，等候時間大概幾分鐘就做好。分量同其他舖頭相比自己嘅都覺得差唔多，但係醬汁選擇方面呢個Wasabi乳酪醬就真係冇試過，同埋留意到佢個base可以揀藜麥粟米沙律，呢個亦都係出邊冇見過嘅。