冰雪公主 (已結業)

< 原味牛奶雪糕 $36 >今日香港又熱又濕，真係唔多想去咁遠既地方食野，近近地去食個杯大雪糕透心涼算了，呢間野係主食韓國類甜品韓國雪花冰等等，咁我之前我已經黎過兩次了，一次食爆谷雪糕，一次食熱食，佢地個爆谷雪糕認真唔掂，有食過既朋友都應該知，啲爆谷硬過石頭，我未食過咁硬既爆谷，事後我建議返佢地跟進下個爆谷，咁第二次去食就試下佢地既熱食牛肉石鍋飯同泡菜豚肉意粉，佢地既熱食係好食過甜食，因為甜食既質素真係比較差，食完熱食我即刻試下佢地新推出既爆谷芝士撻，點知爆谷仲硬過上次，芝士亦係好一般，又係好失望咁走！咁今次第三次就淨試佢地既牛奶雪糕，點知連奶味都冇乜，好普通既雪糕，我寧願食麥記 6 個紫薯雪糕筒！事不過三，我唔會再比機會了！