勝利小廚 (已結業)

兩個人去食，係我朋友細個去嘅地方。叫咗$40招牌海南雞飯，同埋賣哂廣告話老闆專程去泰國學番黎嘅$40滷水鴨飯，一碟$68嘅豉椒蒸帶子，再加一碟$35蒜蓉A菜。海南雞飯好少雞肉，骨多，個油飯OK香。同白切雞唔係太大分別。滷水鴨飯就相對黎講好多餸，冇骨，不過唔係油飯。個汁算唔錯。碟帶子蒸到過哂龍，一啲都唔好味。碟A菜求其OK啦。環境：普通勁迫嘅搭檯茶餐廳。服務：啲侍仔都唔知邊碟俾邊檯，行過黎嗌，靠人客自己認頭。呢間嘢出面排大長龍，人頭湧湧，但係真係唔明點解咁受歡迎。好普通啫。