泰昌餅家 (鳳德商場) (已結業)

食咗泰昌餅家嘅蛋撻已經有好多年，今日特登寫篇食評讚一讚佢個新鮮出爐牛油皮蛋撻。屋企人喺街市買完餸經過泰昌餅家，見到啱啱有新鮮出爐嘅蛋撻，就買咗四個返屋企一齊食。個人口味方面，自己鍾意食牛油皮多個酥皮蛋撻。蛋撻熱辣辣熱到辣手，牛油皮好脆好香，個餡雖然就唔係好有蛋香味，不過勝在唔會死甜。平時如果買到唔係新鮮出爐嘅話，其實同一般普通餅店嘅蛋撻一樣，所以要睇下你好唔好彩，遇着佢啱啱出爐嘅時間去買新鮮蛋撻喇。