御品·千之味 (振萬廣場)

營業中

休息中

疲情又嚴峻左，於是決定今日買外賣食，去千之味買，貪佢又抵又多選擇，有刺身、壽司、定食、手打烏冬、和小食，先用QR CODE 落單，叫了壽司餐(10件) 再追加3件三文魚刺身$20，仲包一罐可樂$93。店員服務態度都非常好，問我會唔會好遠路程，遠可給予冰袋，好細心。壽司餐有兩件三文魚、油甘魚、白身魚、吞拿魚、赤蝦、熟蝦、蟹籽、玉子和鰻魚，赤蝦肥美，鮮甜，油甘魚味鮮，追加的三文魚刺身夠厚，魚油香味濃。再散叫了兩件炙燒左口魚壽司$28、特大赤蝦壽司、鰻壽司魚$18、加州反卷$38，再叫多份帶子刺身6件$68，帶子超鮮甜，真係好新鮮，壽司餐包了飲品，可自助去取，我拎左罐可樂。