黑木亭居酒屋 (金馬倫道)

今日約埋班同事去食日本嘢，趁未齊人我哋就睇下個menu有咩食。個menu啲嘢食埋上都幾吸引，我哋就點咗個刺身拼盤八點咁個拼盤就有飛機魚薄切，三文魚，帶子，生蠔，牡丹蝦，大拖羅，三文魚子，海膽。不過講真個性價比唔高，其中生蠔最令我失望睇落個樣完全唔吸引，好似營養不良咁。不過其他幾款睇落都仲算新鮮。另外我哋仲叫咗啲串燒有白鱔，免治雞肉棒，雞軟骨，黑豚荔枝卷。串燒反而有啲驚喜。我哋仲叫咗好多嘢食包括有清酒煮蜆，芝士焗帶子，炸物拼盤，玉子燒汁海鰻，脆焦糖蘋果鵝肝，甲羅燒，紫菜年糕，豚肉烏冬，炸雞軟骨。呢啲熟食水準都唔差，可以再嚟encore。總括黎講我覺得呢間餐廳嘅熟食係相對出色啲嘅。