南瀛水產

今晚又過嚟食呢間日式居酒屋，因為海鮮好鬼新鮮，主力食浜燒，啱晒凍冰冰嘅宜家。磯燒活貝盛合有扇貝、大蜆、石蠔，仲有郁緊嘅大鮑魚。全程有職員幫你燒，開埋殼，負責食就可以。見到佢有個水缸養住啲鮑魚，食材就梗係新鮮喇，加上清酒一齊燒，海水咸味令啲海鮮仲鮮味，最鍾意就係鮑魚加咗七味粉，特別惹味。南瀛卷🍣呢度嘅名菜，紅蝦、三文治籽、拖羅蓉滿瀉嘅特色卷物。係佢地燒海鮮時食就啱晒。松葉蟹海膽釜飯🍚入面有松葉蟹、櫻花蝦、海膽。焗一焗之後撈勻先食得。焗完香味更出，有飯焦，都幾有特色。蟹味噌甲羅燒🦀蟹膏、蟹肉、蟹子、鵪鶉蛋混合煮熟，啖啖濃烈蟹味。三文魚卷🍣最簡單嘅三文魚卷，有青瓜蟹柳沙律醬。小朋友一定鍾意