Siam 28

營業中

休息中

一直有foodie朋友向我介紹呢間28樓泰菜，可惜一直係度忙，等左幾個月，今日佢終於帶咗我黎試啦！我覺得菜色、環境裝修同服務都唔錯，大家可以一試，我有兩個重點推介俾大家！呢兩個菜，每個泰菜迷都必定會愛上！ 泰式生蝦 我好喜歡食生蝦嘅口感，晶瑩爽口加上開胃醬汁，十分令人回味。製作生蝦，看似簡單，其實最重要的是選用新鮮生猛的蝦。否則，吃起來便是令人失望的霉口。這間餐廳的生蝦由泰國師傅即叫即劏，生蝦大大隻啖啖肉而且爽口，是一個我俾滿分的前菜。 第二度重點推介係泰北牛腩湯，講明先呀，此乃重口味菜式，我同朋友更係嗜辣之人，我哋嗌咗勁辣，當然食得十分過癮啦！一湯可以包含左鹹、辣、酸同鮮味，鐘意食辣既朋友一定會愛上，牛腩肉嫩，整個湯充滿牛肉的鮮味，而且一點油膩都沒有，係味濃得來，令人胃口大開的湯品。 值得一讚既仲有呢度既服務，侍應非常友善而且耐心介紹，感覺窩心，一定會再回來。