亀井鮨 (已結業)

📍最近世貿中心真係多咗好多嘢食，3樓嘅呢間餐廳做緊8折😳係日本百年老店開到嚟香港，店員同我哋講刺身都係空運過嚟。餐廳喺佈置上都落咗唔少心思，其中筷子托都係用咗貓貓公仔！💕刺身盛價錢唔貴之餘種類好多，入邊有三文魚、油甘魚、間八、鯛魚薄切、魷魚海膽卷、帆立貝同甜蝦各2片，第一次食間八魚，口感彈牙又好香魚味！💕壽司同卷物價錢亦合理，普遍都介乎$20-$3X不等，三款炙燒系列最推介係赤蝦，真係好厚肉又香口！唔夠飽叫埋牛油果軟殼蟹卷，有10舊咁多都唔使$100。💕清淡啲可以試吓清酒煮蜆，排成一朵花咁勁靚，同埋佢係每隻蜆肉都好飽滿又大粒，仲要索晒酒湯汁😋