影片
更多
2021-03-29
1433 瀏覽
《牛柳180g》門口有自助售賣機自行購票，其後由店員安排座位，好似日本食拉麵咁，好新奇有趣。係等肉上台之前，就可以自助咁出去拎湯、飯、沙律和飲品；湯係好濃味足料既羅宋湯，老公飲左好多碗，佢話湯先係主菜🤭飯可以自由加上飯素，之後連熱辣辣既肉汁一齊食，因為太好味我食左兩碗飯。至於真·主角-牛柳，我選擇牛柳唔食牛扒係因為我鍾意食林啲口感既牛，好怕好韌，牛柳油脂分布都唔錯，juicy而且有牛味，老實講當然未算好驚喜，但$88包咁多野食，性價比都好高啦。可惜依類石燒肉佢牛肉既熟度好難控制，一上台肉太生但火山石好快降溫變左牛肉唔夠熱辣辣同熟，但食到尾段又嫌佢熱得太耐，牛既肉質變到好硬，過熟。但值得一讚係店員服務態度好，$88都可以幫你換幾次石，如果你間唔時想毒毒地据個扒就一定要來呢度！
門口有自助售賣機自行購票，其後由店員安排座位，好似日本食拉麵咁，好新奇有趣。
係等肉上台之前，就可以自助咁出去拎湯、飯、沙律和飲品；湯係好濃味足料既羅宋湯，老公飲左好多碗，佢話湯先係主菜🤭飯可以自由加上飯素，之後連熱辣辣既肉汁一齊食，因為太好味我食左兩碗飯。
至於真·主角-牛柳，我選擇牛柳唔食牛扒係因為我鍾意食林啲口感既牛，好怕好韌，牛柳油脂分布都唔錯，juicy而且有牛味，老實講當然未算好驚喜，但$88包咁多野食，性價比都好高啦。
可惜依類石燒肉佢牛肉既熟度好難控制，一上台肉太生但火山石好快降溫變左牛肉唔夠熱辣辣同熟，但食到尾段又嫌佢熱得太耐，牛既肉質變到好硬，過熟。但值得一讚係店員服務態度好，$88都可以幫你換幾次石，如果你間唔時想毒毒地据個扒就一定要來呢度！
張貼
