莆田 (港威商場)

營業中

休息中

又到左莆田鰻魚節, 有齊幾款做法既鰻魚菜式。係港威既莆田分店位置方便, 環境舒適, 店員又幾好服務, 各樣野都好唔錯。山泉水煮活鰻魚最簡單既野最考功夫同品質, 食材唔新鮮又點敢用水煮, 鰻魚肥美有魚油香, 鮮甜又彈牙, 真材實料。福建特色海蠣煎 $118蛋香加好多蠔仔, 夠鮮味。 石鍋滑豆腐 $98滾熱辣仲起緊bubble咁上枱😍豆腐口感似玉子豆腐再加多層蛋墊底, 唔會痴底再加埋醬汁咸咸甜甜。興化炒米粉 $118配料超豐富好多海鮮, 有干貝仔, 蜆肉, 蟶子等等, 勁中意佢個米炒既口感, 幼細又爽口有米香, 另外仲有個酸辣汁, 撈少少黎食特別開胃!!哩度既甜品都係好滋潤又好味, 叫左個薄荷枇杷凍$38同埋桂花陳皮燉雪梨 $48, 兩個食落都勁舒服又唔膩, 特別中意燉原個雪梨~ 近排天氣又熱又濕, 冬瓜薏米水$28解暑去濕一流, 清甜解渴。