板卷 (已結業)

假日又去開黃埔某大型百貨公司shopping，揾食時間就黎到呢間日式壽司外賣店，地點超方便，位於黃埔地鐵站附近。可立食或外賣🥡，有得QR預先點餐，兩點左右餐廳門外依然有多名食客等候著，食客以外賣居多，所以人流尚算快。等了十分鐘左右就有得食😋，一共點左十件壽司🍣。拖羅壽司油脂分佈適中而無筋，入口即溶、三文魚腩好肥美、象拔蚌唔硬有咬口、油甘魚腩好滑口、甜蝦清甜大隻、赤貝爽口但一啲都唔韌、金目鯛壽司帶有鮮紅色魚皮夠晒sharp味道清清地、而日本真鯛鮮味十足、三文魚子壽司豐富嘅海鮮鹹味、海膽壽司係必食之選😋好食👍🏻甘甘甜甜，無腥味，質地細膩，充滿着海鮮嘅濃郁味道。今次在餐廳立食，餐枱上提供兩支豉油，一支係溝了芥辣的，一支係純豉油，非常方便細心。