大發餐廳開心菜館

營業中

休息中

因為做嘢要去到洪水橋輕鐵站附近先有時間食嘢，但係響嗰邊人生路不熟，結果就響最近輕鐵站附近嘅地方隨便搵一間食，門口望落去係有種有少少歷史嘅茶餐廳感覺，入到入邊地方都幾大，同埋可能因為時間比較晚餐早，所以人都唔算多。裏面嘅人都好客氣話我知坐邊度比較冷氣好啲，跟住都會話俾我聽仲有下午茶。啱啱我又係覺得比較早，所以唔想食太多野，結果叫咗一個下午茶嘅免治牛肉飯同埋紅豆冰。免治牛肉返嚟到啲汁都仲好熱，亦都比我想像中大碗，食落去都還可以，有少少偏鹹，但係加埋飯就啱啱好。紅豆冰啲紅豆係會有少少溶溶地嗰啲，啱我口味，奶方面就少少偏淡。整體嚟講都係OK嘅，尤其是洪水橋站附近好似食嘢地方都唔算多，佢又靠近輕鐵站，呢度可以加分。