惠豐涼茶素食 (已結業)

惠豐涼茶素食食左好多年, 有熱氣就來買樽雪梨茶、菊花茶或羅漢果茶下火, 這裡的涼茶真材實料, 最愛雪梨茶, 既清潤又無咁寒涼, 啱女士飲。還有林林種種的素糕點、齋鹵味、粥糖水炒米腸粉等等, 經過這裡一定外賣淨酸齋, $11/雙拚真係堅平, 味道不是最好, 但也不差, 外面最少$18-20 才買到, 其餘粟米粥及素糕點也可以。芝麻糕 ($6) – 有黑芝麻香味, 煙韌, 不太甜。酸齋 ($11) – 以前仲好食, 最近吃那股酸勁弱左, 甜甜酸酸, 變得平易近人, 我還是掛念它以前那股酸勁, 那個酸汁甜酸得像呷意大利陳醋。雪梨茶 ($15) – 有自家煮的雪梨水感覺, 好足料, 清潤。粟米粥 ($14)– 無胃口之選, 粥底 ok 棉, 清清淡淡又飽肚。今日早餐特登黎食腸粉 ( $10/5條), 腸粉軟滑爽口, 只是欠缺了米香, 不過今時今日能有米香的腸粉真係少之又少了, 我都想知邊度有得食, 幾遠都去。