唐記包點 (吉利徑)

營業中

休息中

唐記包點越開越多，總有一間在附近。自從我屋企樓下呢間開左之後，我就多一個食宵夜既地方。唐記既面包款式好多，除左傳統果D叉燒包，菜肉包，饅頭外，仲有款港式茶記味道既沙嗲牛肉包。今次我都係食返一D傳統嘅菜肉包同黑麻蓉包。菜肉包既肉餡好juicy，菜同肉既比例啱啱好，唔會搶左對方既味道。黑麻蓉包既包皮都加入了黑芝麻，所以面包都有黑芝麻既香味，黑麻蓉唔算好甜但香，好重黑芝麻味。糯米雞在我心目中係唐記既鎮店之寶。首先糯米雞好大隻，廿幾蚊一定可以食得好飽。打開糯米雞，一大股荷香就會四溢。糯米雞非常非常足料，有雞翼，叉繞，咸蛋黃，juicy既肉碎，配埋糯米食，非常好味，又飽肚。