美都茶餐廳

營業中

休息中

放假懶得煮，食茶記外賣😂😂我系全日24小時都想食早餐同甜品嘅無嚟正經人嚟，當然去到茶記都嗌翻個特餐啦😂😂。呢間茶記喺正路口，所以次次經過都好容易買咗🤭🤭。叫咗個一餸粉(揀咗榨菜肉絲通粉)，佢加配個火腿奄列，不過外賣比人掉埋落水😂😂仲有個牛油餐包(一片大方包分量)，當然有清暑凍檸茶啦哈哈😂😂。凍檸茶幾好飲🍋🍋，茶記嚟講佢茶底唔澀，翻到屋企都夠凍。通粉厚身無坑紋，我嚟講都ok呢隻。湯底夠味不過榨菜啲油落哂去無原湯底咁好味。榨菜好食不過肉絲有啲鞋。奄列系我鍾意嘅，因為唔會滑山山唔熟(我一定要全熟先食到)，但你唔會覺得鞋，蛋香夠味，蛋都入咗啲火腿味。😂😂幾滿意。好似唔知$36定幾多，總之正常價啦哈哈。