花晨月夕

營業中

休息中

經過OpenRice訂餐券，見多人評語良好，所以黎試吓。刺身，食材新鮮，不過調味一般，好普通，只係食緊啲好新鮮嘅嘢嘅感覺， 佢嗰嚿前菜秋刀魚真係好腥，我朋友話好難食😂😂帶子，我覺得佢係新鮮，不過攤放時間長咗少少，變咗室溫，如果凍返少少會好啲食材係新鮮，不過佢切得唔好成條都係筋。呢件海膽係好食，鹽花都配合得好好普通麵豉湯，冇咩特別好食，好甜，應該係日本水果整體嚟講我覺得真係好普通，只係食緊好新鮮嘅食材，調味不足，我食唔出網上評語所講嘅好好食，唔知係唔係我嘴刁嘅關係，我請我第一次食阿媽家姐嘅朋友都覺得好普通。注意用OpenRice券係未收+1服務費，我最後買多兩支飲品埋單四百幾，總數兩位3100百幾，我覺得唔抵食。