影片
更多
2022-07-02
98 瀏覽
係一間cafe & bar，位於尖沙咀天文臺圍，環境靜靜地幾舒服。日頭係Cafe，夜晚就變成酒吧，chill爆！為咗配合日夜唔同嘅主題，餐廳裝修分咗兩個風格，一邊係文青Cafe，一邊係暗黑系Bar！Menu都分咗日夜，果次揀咗tea time去，試咗個Day menu，有齊輕食、意粉、甜品、咖啡同特飲，仲有好啱打卡嘅tea set，食物高質大份、價錢亦合理！------------------------------🥪◖Cheese and Ham Mille Fille◗ $88呢個爆餡三文治足足有八層火腿咁厚，每一層都夾住芝士，做到拉絲效果！麵包烘過，搽咗一層蒜蓉，食落啖啖蒜香，中間仲夾住炸粉同紫菜，香脆有層次！呢個三文治真係好有份量，建議要同朋友一齊share！🥓◖Day n Nite Breakfast◗ $158大大份ADB，材料好豐富，有大啡菇釀芝士、炒蛋、蒜蓉包、煙三文魚、煙肉腸仔、番茄、牛油果蓉同埋少少生菜。正常發揮，大啡菇好juicy但就唔太夠味；個蒜蓉包好香牛油味，好香脆，搽啲牛油果蓉同舖啲煙三文魚喺面食好滿足！🧇◖Waffle with Fruits, Cream
------------------------------
🥪◖Cheese and Ham Mille Fille◗ $88呢個爆餡三文治足足有八層火腿咁厚，每一層都夾住芝士，做到拉絲效果！麵包烘過，搽咗一層蒜蓉，食落啖啖蒜香，中間仲夾住炸粉同紫菜，香脆有層次！呢個三文治真係好有份量，建議要同朋友一齊share！
🥓◖Day n Nite Breakfast◗ $158
大大份ADB，材料好豐富，有大啡菇釀芝士、炒蛋、蒜蓉包、煙三文魚、煙肉腸仔、番茄、牛油果蓉同埋少少生菜。正常發揮，大啡菇好juicy但就唔太夠味；個蒜蓉包好香牛油味，好香脆，搽啲牛油果蓉同舖啲煙三文魚喺面食好滿足！
🧇◖Waffle with Fruits, Cream and Ice-cream◗ $128
一上碟真係哇咗一聲，真係大份到呢！Waffle即叫即整，一上碟熱辣辣外脆內軟，充滿蛋香，同雪糕食真係冰火交融！有藍莓、香蕉同士多啤梨伴碟，topping有海量cream、一球朱古力同一球雲尼拿雪糕，雪糕味道就一般。可能因為個topping太豐富，個waffle好快就已經淋曬，所以要盡快食！
🍩◖Handbag Tea Set◗ $78
手袋樣嘅杯好可愛，打卡一流！有一大壺茶，下面有蠟燭保溫，仲有三粒馬卡龍，啱曬同朋友吹水慢慢飲！
🌹◖Rose Lychee Soda◗ $48
成杯嘢好pinky好夢幻，有一朵荔枝味嘅玫瑰花冰，唔會話似藥水味！荔枝味嘅玫瑰花冰慢慢溶，啲味會慢慢咁出，唔會話飲到尾會比啲冰溝淡曬啲味，反而會越黎越濃！
🍫◖Signature Chocolate (H)◗ $40
外表勁吸引，啲朱古力滿到瀉曬出黎，仲有海量棉花糖舖面！朱古力濃可可味，唔甜都係靠棉花糖嘅甜味，但稀咗啲，唔太夠rich！
Encore指數：9/10
------------------------------
店員好熱情，係咁推薦佢哋嘅意粉，好想試但真係冇曬quota，留返下次同朋友再戰！好奇望咗一下佢嘅night menu，有啲pasta、main同小食，喺呢個環境飲嘢都幾chill，唔會好似bar咁嘈，啱同朋友傾計！下次想happy hour唔洗去諾士佛臺，可以黎呢到食個dinner飲返杯嘢！
張貼
