鳥森 (已結業)

今日喺港島區完成任務之後，約咗朋友落銅鑼灣食個午餐聚一聚，位於恩平道嘅亨利中心樓上《鳥森》食過佢嘅晚餐都唔錯，今日試佢嘅午餐性價比高有驚喜。靠牆位置全部都有窗，採用茶色玻璃，日閒都唔會好曬，好適合三五知己食飯飲嘢吹水。揀咗兩款串燒午餐，大家happy share，跟餐本身有些前菜及湯-蕃茄沙律好新鮮~茶碗蒸蛋夠滑~日式清湯夠香甜~漬菜~醬油蒜頭及牛蒡，醒胃。Set A 精選六串燒~牛肉橫膈肌牛味香、黑豚豬腩串、紫蘇里竽豚肉串好特別、茄子串、冬菇串，個雞肉棒跟飯上。Set C 鳥森串燒五本盛~雞翼皮脆肉香、雞腿肉夠淋、雞胸軟骨好爽脆、冬菇串，美味雞肉棒是跟飯上的，正啊！呢兩個餐都有跟紫菜飯，配其中嘅雞肉棒串燒一流，蛋黃漬免治雞肉配紫菜飯~記得趁熱食個雞肉棒，大大枝啖啖肉，紫菜飯都係我喜愛嘅。午餐套餐跟餐飲品可以揀咖啡或者伯爵茶。