影片
更多
2022-07-10
1838 瀏覽
之前同朋友嚟咗燒烤堂食串燒 雖然呢唔係任食呀不過我哋嗌到好似任食咁 最緊要盡興呀嘛🤣 由於我哋係坐喺戶外 影相方面都比較有情調 可能啲餸菜都比較暗🥲我哋四個人食咗$2000 串燒數量真係好多 比較難逐一同大家介紹 所以我就打算打啲比較特別而且值得大家試嘅串燒🍢 不過要首先講明呢度嘅串燒質素唔錯 係一間幾好嘅居酒屋嚟嘅雞泡魚乾雖然呢碟雞泡魚乾好多居酒屋都有 對於呢間舖頭來講唔係特別嘅食物 但係佢送酒都係一流㗎🐟鹽燒A4宮崎和牛一串有三粒 咬落口真係入口即溶 我哋總共6串🐮 油花都好多下雞皮墨魚滑係一串咁上既 店員見我哋係四個人分享一件 主動俾咗把鉸剪我哋分開🙈 真係好貼心呀淨係行過都見到我哋嘅需要福岡味增松阪豬松阪豬嘅咬口好彈牙 有啲似食緊豬頸肉咁🐷 調味就甜甜地 再配埋隔離有個蛋黃醬添中切鹽燒牛舌心我哋都嗌過幾款牛舌 我就覺得牛舌心最好食 因為最腍身 容易咀嚼👅檸蜜牛油包本身就咁嗌呢個 個名聽落唔吸引 但係朋友食過話真係好好食 一定要嗌呀 咁我哋就試吓佢啦 檸蜜牛油包每件係一個半圓 焗得好香脆 面頭有啲檸檬蜜糖 再係蜜糖表面有一塊三角形嘅大牛油🧈 咬落口真係好脆 而且好有食緊菠蘿油嘅感
我哋四個人食咗$2000 串燒數量真係好多 比較難逐一同大家介紹 所以我就打算打啲比較特別而且值得大家試嘅串燒🍢 不過要首先講明呢度嘅串燒質素唔錯 係一間幾好嘅居酒屋嚟嘅
雞泡魚乾
雖然呢碟雞泡魚乾好多居酒屋都有 對於呢間舖頭來講唔係特別嘅食物 但係佢送酒都係一流㗎🐟
鹽燒A4宮崎和牛
一串有三粒 咬落口真係入口即溶 我哋總共6串🐮 油花都好多下
雞皮墨魚滑
係一串咁上既 店員見我哋係四個人分享一件 主動俾咗把鉸剪我哋分開🙈 真係好貼心呀淨係行過都見到我哋嘅需要
福岡味增松阪豬
松阪豬嘅咬口好彈牙 有啲似食緊豬頸肉咁🐷 調味就甜甜地 再配埋隔離有個蛋黃醬添
中切鹽燒牛舌心
我哋都嗌過幾款牛舌 我就覺得牛舌心最好食 因為最腍身 容易咀嚼👅
檸蜜牛油包
本身就咁嗌呢個 個名聽落唔吸引 但係朋友食過話真係好好食 一定要嗌呀 咁我哋就試吓佢啦 檸蜜牛油包每件係一個半圓 焗得好香脆 面頭有啲檸檬蜜糖 再係蜜糖表面有一塊三角形嘅大牛油🧈 咬落口真係好脆 而且好有食緊菠蘿油嘅感覺
Sapporo Premium Draft
食串燒點少得啤啤佢啊🍺 生啤買一送一真係好抵 有少少酒精影響下更加可以放鬆身心
價錢方面就絕對唔係特別平嘅 但係我覺得物有所值而且的確係一個令人好chill嘅地方☺️ 雖然今日店舖好滿座 但漏單情況唔算太嚴重 而且有單可以俾你逐個對返 其實有好多款串燒 我哋都食完再叫再叫🤣
張貼
