影片
更多
2020-02-17
2710 瀏覽
Book B Kitchen Mealmeal之前已經想食喇，店面有一半係書店，光線柔和，播輕快音樂，氣氛舒適；而家人流少，可以坐得疏落啲👌餐點品項唔多，食材選用都有啲心思。除左招牌日替五品定食，仲有意粉、烏冬等簡餐，定價$98-138；甜品有蛋糕、布丁。平日跟配飲品半價，亦可加錢升級沙律/飲料/自家蛋糕。五品定食 $138定食以木盤、木碟呈上 即點即製，該熱嘅都係熱嘅；份量方面同大部份呢類型日式定食差唔多，食完都會有少少飽足感。山藥年糕福袋昆布湯湯頭清爽，年糕福袋軟腍，味道唔錯👌黑麥多士同櫻花蝦玉子燒係正常水準，未見突出。梅子芥茉火箭菜蓮藕係開胃前菜；黃薑糖漬栗子黑豆藜麥薯蓉好對胃👍薯蓉軟滑細緻，香氣濃烈，味道唔嗆，係最重口味嘅一品。抹茶鹽炸謎瓜香脆唔油膩、飯糰以昆布汁調味鹹香，簡單好食。每樣食物做法可能唔複雜，只係相當費時，冇咁得閒唯有出街食。如果你都鐘意大埔嘅Pimary，應該都會鐘意Book B芝士蛋糕 +$40當日新鮮出爐的嘅芝士蛋糕，有啲似而家流行嘅燒芝士蛋糕，表面呈焦糖色。芝士蛋糕挺香，蛋糕柔軟，入口亦算滑溜，裡頭微微軟心，不錯吃。抹茶牛奶 $45牛奶類只設凍飲，抹茶分層
餐點品項唔多，食材選用都有啲心思。除左招牌日替五品定食，仲有意粉、烏冬等簡餐，定價$98-138；甜品有蛋糕、布丁。平日跟配飲品半價，亦可加錢升級沙律/飲料/自家蛋糕。
五品定食 $138
定食以木盤、木碟呈上 即點即製，該熱嘅都係熱嘅；份量方面同大部份呢類型日式定食差唔多，食完都會有少少飽足感。
山藥年糕福袋昆布湯湯頭清爽，年糕福袋軟腍，味道唔錯👌黑麥多士同櫻花蝦玉子燒係正常水準，未見突出。梅子芥茉火箭菜蓮藕係開胃前菜；黃薑糖漬栗子黑豆藜麥薯蓉好對胃👍
薯蓉軟滑細緻，香氣濃烈，味道唔嗆，係最重口味嘅一品。抹茶鹽炸謎瓜香脆唔油膩、飯糰以昆布汁調味鹹香，簡單好食。
每樣食物做法可能唔複雜，只係相當費時，冇咁得閒唯有出街食。如果你都鐘意大埔嘅Pimary，應該都會鐘意Book B
芝士蛋糕 +$40
當日新鮮出爐的嘅芝士蛋糕，有啲似而家流行嘅燒芝士蛋糕，表面呈焦糖色。芝士蛋糕挺香，蛋糕柔軟，入口亦算滑溜，裡頭微微軟心，不錯吃。
抹茶牛奶 $45
牛奶類只設凍飲，抹茶分層並不明顯，攪拌後預期之中以奶味主導。
張貼
