影片
更多
2021-12-28
896 瀏覽
有人終於考完試，可以抽到時間陪我食 Lunch，本來想同佢去觀塘鱷魚恤中心飲茶，不過有人話想食日本菜。上網 Search 過，原來區內形形色色嘅日本料理有成接近 150 間，認真犀利，左挑右選，最後揀左鴻圖道呢間樓上居酒屋。店鋪地方偌大，裝潢簡潔明亮、環境十分開揚，予人悠閒舒服的感覺。一入座店員就隨即為我倆每人送上一碗味噌湯，非常窩心，湯身熱辣辣，內有豆腐和海帶，飲完成身暖笠笠。睇下店員送上嘅餐牌，午餐選擇都幾豐富，分為三個系列，包括和風、咖喱及燒物，另外亦有廚師發辦及自選海鮮丼可供選擇。我哋點左原條蒲燒鰻魚飯 ($98) 同 和風豬軟骨飯配溫泉蛋 ($68)，加左 $10 將配豬軟骨嘅白飯轉左做手打稻庭烏冬。鰻魚好有份量，燒得邊位帶焦，魚肉富彈性，軟腍又不失咬口，食落有魚油香。面頭嘅醬汁比例亦啱啱好，杰稠適中，鮮甜入味，用嚟飯吃一流。 米飯圓渾煙韌，食落有飯香。稻庭烏冬和豬軟骨分開盛載，烏冬上桌時仍冒著煙，熱度十足。豬軟骨炆得軟腍又入味，加上以日式調味料炮製，味道一級棒！溫泉蛋口感滑溜，內有半生熟流心蛋黃汁。烏冬幼長而薄身，質感煙韌爽彈，伴著湯同吃，更覺滋味！食完飯，店員仲會送上和菓
上網 Search 過，原來區內形形色色嘅日本料理有成接近 150 間，認真犀利，左挑右選，最後揀左鴻圖道呢間樓上居酒屋。
店鋪地方偌大，裝潢簡潔明亮、環境十分開揚，予人悠閒舒服的感覺。
一入座店員就隨即為我倆每人送上一碗味噌湯，非常窩心，湯身熱辣辣，內有豆腐和海帶，飲完成身暖笠笠。
睇下店員送上嘅餐牌，午餐選擇都幾豐富，分為三個系列，包括和風、咖喱及燒物，另外亦有廚師發辦及自選海鮮丼可供選擇。
我哋點左原條蒲燒鰻魚飯 ($98) 同 和風豬軟骨飯配溫泉蛋 ($68)，加左 $10 將配豬軟骨嘅白飯轉左做手打稻庭烏冬。
鰻魚好有份量，燒得邊位帶焦，魚肉富彈性，軟腍又不失咬口，食落有魚油香。面頭嘅醬汁比例亦啱啱好，杰稠適中，鮮甜入味，用嚟飯吃一流。 米飯圓渾煙韌，食落有飯香。
稻庭烏冬和豬軟骨分開盛載，烏冬上桌時仍冒著煙，熱度十足。豬軟骨炆得軟腍又入味，加上以日式調味料炮製，味道一級棒！
溫泉蛋口感滑溜，內有半生熟流心蛋黃汁。烏冬幼長而薄身，質感煙韌爽彈，伴著湯同吃，更覺滋味！
食完飯，店員仲會送上和菓子做甜品，好有驚喜！和菓子水準唔錯，味道清爽，甜度適中。
張貼
