影片
更多
2023-05-16
2969 瀏覽
成日都係見到介紹旋風蛋，今日終於有機會食到😋餐廳喺中環IFC，九龍區都有分店，仲可以網上訂位。想去中環分店，暫時要用電話訂座。餐廳唔難搵，旁邊有幾間食肆，好多人來來往往。好在預先電話訂位，前排開關再加上五一假期，好多人喺門外排隊等位。入座之後好似聽到職員同客人喺座位上溝通有啲誤會，不過好快就settle咗。基本大部份菜色都可以揀配旋風蛋或者單純丼飯，主菜嘅配搭大致上都差唔多，價錢大約相差$30-40左右。有旋風蛋蛋價錢會高啲，丼飯價錢就平啲。肉類可以揀牛、豬、雞、海鮮，甚至只係要蔬菜都可以。除咗主食，仲有串燒、小食、甜品，食物選擇都幾多。主食可以揀唔同醬汁，有日式咖哩汁、鮮蕃茄汁、奶油蘑菇汁。醬汁最多可以同時揀兩款，岩哂我哩啲貪心咩都想試嘅😆而米飯，可以揀白米或者十六穀米，或者唔要飯換成野菜都可以，方便on diet嘅朋友。我哋揀咗三款主食，另外加咗兩個小食。但可惜漏單🥲，最後我哋選擇取消個小食。烤特上一吋牛脷旋風蛋 配日式咖哩汁、奶油蘑菇汁 ($178)朋友揀咗燒厚切牛脷，一份有三大片，每片半個掌心咁大，而且每片都好厚身。口感好淋，但又唔係淋到梅，仲有少少彈牙。胡椒烤橡果黑豚後腿肉旋
餐廳喺中環IFC，九龍區都有分店，仲可以網上訂位。
想去中環分店，暫時要用電話訂座。
餐廳唔難搵，旁邊有幾間食肆，好多人來來往往。
好在預先電話訂位，前排開關再加上五一假期，好多人喺門外排隊等位。
入座之後好似聽到職員同客人喺座位上溝通有啲誤會，不過好快就settle咗。
基本大部份菜色都可以揀配旋風蛋或者單純丼飯，主菜嘅配搭大致上都差唔多，價錢大約相差$30-40左右。有旋風蛋蛋價錢會高啲，丼飯價錢就平啲。
肉類可以揀牛、豬、雞、海鮮，甚至只係要蔬菜都可以。
除咗主食，仲有串燒、小食、甜品，食物選擇都幾多。
主食可以揀唔同醬汁，有日式咖哩汁、鮮蕃茄汁、奶油蘑菇汁。
醬汁最多可以同時揀兩款，岩哂我哩啲貪心咩都想試嘅😆
而米飯，可以揀白米或者十六穀米，或者唔要飯換成野菜都可以，方便on diet嘅朋友。
我哋揀咗三款主食，另外加咗兩個小食。
但可惜漏單🥲，最後我哋選擇取消個小食。
烤特上一吋牛脷旋風蛋 配日式咖哩汁、奶油蘑菇汁 ($178)
朋友揀咗燒厚切牛脷，一份有三大片，每片半個掌心咁大，而且每片都好厚身。
口感好淋，但又唔係淋到梅，仲有少少彈牙。
胡椒烤橡果黑豚後腿肉旋風蛋 配日式咖哩汁、奶油蘑菇汁 ($208)
我就揀咗配十六穀米，平時屋企都間唔中食紅米飯，有時又會加藜麥，所以都好習慣食穀米飯🍚
好難得喺街食飯，都可以食到穀米飯。
黑豚肉燒得好香，肉質同樣好淋。
胡椒味唔算太重，岩岩好。
主菜份量多，黑豚肉有四至五片。
不過個咖哩汁比想像中辣好多😳，初頭諗住日式咖哩應該全部都差唔多味，無諗過係咁辣。
好在仲有叫奶油蘑菇汁，可以中和少少個辣味。
烤無激素走地雞扒旋風蛋 配日式咖哩汁 ($168)
我哋豬、牛、雞都有叫，可以每樣都試到😌
雞扒同黑豚肉份量一樣咁多，有成四至五片。
而且唔係薄切，唔係將一片雞扒分兩片咁。
不過食到第三個主菜，就覺得全部烤肉都係一樣味。
總結一下，食物份量幾大，最後我哋都食唔哂，好在小食漏單，如果唔係就浪費咗。
食物質素、份量同味道都同價錢成正比。
餐廳喺IFC嚟講唔算貴，不過$200一個人，一份蛋包飯，未計飲品，計落就略嫌有少少貴。
主菜個咖哩汁偏辣，唔食得辣的話要注意。
因為餐廳嘅設計，無放吸聲嘅擺設，所以覺得成個地方都好應聲。
其他客人無好大聲傾計，大家嘅聲量都係正常，但係成個環境都好嘈。
成個用餐時間，餐廳都好繁忙，但職員仍然好有禮貌，客人有需要嘅時候，好快速可以提供協助。
想係IFC食個快飯的話，可以考慮嚟試下。
張貼
