日嚐

營業中

休息中

今日同男朋友去黃埔睇戲，睇戲之前先去醫飽個肚先！未食早餐所以就直接去食個靚lunch~ 呢間餐廳聽講幾好食，所以就嚟試下。一去到已經開始有少量人排隊，不過因為我地早到所以等佢開左門就可以直入。 我叫左封門柳牛配烏冬，另加日式大根同青瓜漬物做前菜，另外家食套餐仲會包一碗海帶湯。份量就一般啦，封門柳比想像中無咁好食，無乜牛味，肉質都一般，勉強過得去。烏冬尚算彈牙，不過唔算大碗。如果可以凍食就更好！男朋友叫左牛舌配冷蕎麥麵，南瓜佃煮及蘋果紫薯蓉。冷蕎麥麵幾好食，少彈。牛舌爽口彈牙，配燒汁好食。南瓜佃煮勁甜勁淋，蘋果紫薯蓉略嫌蘋果甜味過多，紫薯味唔係食到太多。整體嚟講就不過不失啦，不過如果要排隊就唔會特別再試，因為價錢都唔平。