響 居酒屋 (已搬遷) 新店位置

-🔸十勝豚肉飯 $68🔸日式咖喱飯配吉列豬扒 $78🔸左口魚邊壽司 +$20-又發掘吓觀塘工廈有咩好嘢食，依間午市做日式丼飯都幾正，午市$48起，而且大大碗夠晒飽肚。十勝豚肉飯嘅豬腩肉炒得好香，而且塊塊都大大塊又厚切，仲有燒肉汁撈飯一流。日式咖喱飯賣相吸引，吉列豬扒咬落鬆脆，咖喱係日式偏甜不太辣，仲有幾舊好稔好入味嘅蘿蔔薯仔。加多20蚊就食到左口魚邊壽司兩件，入口即溶之後更成口都係魚油香，超正呢！