一木小料理 (已結業)

呢間食物店冇華麗嘅裝修 但賣嘅嘅日式家庭料理確實係幾吸引 一份午市套餐(HKD80, 午市免收+1)跟三小碟日式料理、日本米飯或沙律、一杯熱或冷嘅飲品 小店提供嘅日式小菜令我諗起Muji Cafe食嗰個套餐 都係喺多款小菜裡面揀其中三或四樣食物⠀⠀每日嘅午市套餐嘅食物款式都唔同 應該日日嚟食都唔怕厭悶😂😂 八款料理裡面每人要揀三樣 兩個人去食可以試到六款小品料理啊⠀⠀⭐️日式咖喱牛肉⭐️秋刀魚薑煮⭐️紙藏雞⭐️一木豬軟骨⭐️核桃味增煮大根⭐️茄子田樂燒餐牌上寫頭三款的小品料理都係微辣嘅 咖喱牛肉煮得夠淋 咖喱汁甜甜辣辣地撈飯食最好味 基本上每一款料理都煮得好入味 如果唔撈飯食嘅話會覺得味道偏鹹 尤其係一木豬軟骨呀😅