蜜庵本膳 (已結業)

同朋友仔行行下街，發現左一間裝修好簡約既日式餐廳，於是就試下。晚餐既餐牌，價錢算中上價錢，而且係唔包飲品，想要飲野就要另外叫。而飲品價錢約30-40蚊左右。咁我同朋友都睇中左同一個餐，就係豚三味丼。豚三味丼個餐有前菜青瓜、麵鼓湯同主食。豚三味係指西京燒豚肉、豚角煮、豚肉腸。 西京燒豚肉 係圖中都見到肥膏同肉條理分明，食落去都好有肉汁。 豚肉腸 呢個食落去就冇特別，係普通腸仔既感覺。 豚角煮 係圖片係見唔到佢既蹤影，原因係食食下，先會發現原來係d飯既中間，有驚喜既感覺。不過，喜歡健康既我就麻麻地豚角煮，因為其實係類似東波肉，好肥啊。但鍾意食東波肉既朋友，就應該好鍾意，因為係燜得好臨，入口即溶咁。總結，食物質素、味道係唔錯。裝備好簡約，坐得都好舒服，bar枱果邊都有電制叉電，都算幾細心。但食物份量有點細，而且晚餐set係冇飲品，價位有點貴。