鮨處松戶 (彩星集團大廈)

營業中

休息中

朋友係外國返黎, 同佢去左尖沙咀行街, 之後去左一間日本餐廳食飯呀。我哋叫左幾樣食物, 靜岡蕃茄好鮮甜, 鵝肝配搭蘿蔔幾特別, 鵝肝入口即溶, 配搭蘿蔔既鮮甜, 十分配合。雜錦刺身有三文魚, 赤蝦, 油甘魚, 拖羅, 赤貝等, 幾款刺身都好新鮮, 尤其係海膽十分鮮甜。忌廉薯餅炸得好香脆, 另外豬手用日式醬汁炆得好入味, 食落好淋身。牛肉烏冬湯底鮮甜, 牛肉食落亦好嫩滑。餐廳裝修幾有日本風格, 位置亦好闊落, 因為同朋友好耐冇見, 我哋傾左成晚十分開心。