大喜屋

營業中

休息中

想食日本料理放題，近近地落沙田的「大喜屋」就食到啦。最意食刺身的朋友不要錯過，刺身的種類豐富，品質都非常唔錯，三文魚夠肥美，北寄貝的肉質厚實，赤貝和帶子鮮味也相當突出，八爪魚刺身，口感清脆彈牙，特別是松葉蟹腳，味道超級鮮甜，讓人驚喜。除了刺身，還有多款手卷和壽司，雖然份量較小，但可以食到多款口味，又不會覺得飽。燒物和炸物表現同樣出色，即點即燒，上枱時都熱辣辣的，炸鮮奶外層金黃酥脆，內裡的奶香四溢；芝麻雞翼外皮酥脆，肉質鮮嫩，天婦羅的每一口都酥脆可口，大大隻蝦，爽口彈牙，而脆炸貓山王更是亮點，榴槤的Creamy口感與外皮的酥脆形成了絕妙的對比，最令人驚訝的是以到竟然有燒榴槤，香氣四溢，令人不停encore 左幾次。食物採用QR落單的方式，既方便又環保，上菜速度和收碟速度都相當快，最重要係沒有漏單情況。除左QR落單之外，自助吧選擇令人驚喜，除了多款熟食、前菜和甜品，還有新鮮的生果和各式飲品。特別是雪糕區，Häagen-Dazs和Mövenpick兩款品牌的雪糕都可以任食，真係甜品愛好者的天堂。