世澄日本料理 (億利工業中心) (已結業)

行街見到間日本嘢門面幾好就入去試吓先，餐牌上面有好多款丼飯，都好想試吓，但見套餐係假期先有，就嗌咗份套餐 前菜係油甘魚沙律，沙律菜上面放了d 脆麵條，比較少見，入口卜卜脆，刺身當中有牡蠣都幾大隻，唔腥，另外有兜辣味蒜頭，幾爽脆，壽司方面，有拖羅、赤身、帶子同三文魚子，壽司係一啖一口嘅size，同埋舊飯已經調好味，只需加少少芥末就食得，再嚟塩燒三文魚頭鮫，魚頭好多骨膠原，膠質非常豐富，辣味煮大蜆，蜆算係比較大粒嘅，湯底就似麵豉湯，皇帝蟹棒蟹肉茶碗蒸，蛋好滑溜，主食係鰹魚稻庭湯烏冬，烏冬比較幼身，湯底味道清清地但都算夠味，最後送上甜品，充滿抹茶味嘅蕨餅