饗和民 (康怡廣場) (已結業)

放假行多幾步去遠啲食個早餐先！冇得去日本🇯🇵食個日式早餐感受一下旅行嘅感覺！今日係平日，但入面都幾多人，有8-9成入坐率！我哋先響門口叫咗早餐先，之後再入去搵位！我叫咗個三文魚日式早餐，老公就叫咗個玉子壽喜燒日式早餐，之後再加$3叫咗杯熱檸茶，食物都等左成15分鐘左右先有得食，所以我悶悶地又八卦周圍望吓人哋食乜嘢！見到隔離枱個牛角包🥐好似幾正咁，於是我又好痴線走出去再叫多份西式早餐！🤦🏻‍♀️🤦🏻‍♀️好誇張，好大食！食物終於有得食啦！飯比較稔身，唔太有口感，玉子燒就幾好食，三文魚雖然比較乾，但仍覺得自己去咗日本咁，所以加咗分！之後牛角包🥐早餐都到啦，賣相唔錯，不過炒蛋比較乾，其他都ok嘅，店舖坐位比較闊，坐得舒服，而且燈光同裝飾都好日式，所以感覺唔錯😊