八沢 (杏花新城) (已結業)

其實平時好少去杏花邨 咁啱夜晚去開附近就去杏花新城搵嘢食 🍽️ 經過見到呢間日式餐廳好似都啱食 就冒險入去試吓 😂 諗住叫一個飯 再加一個烏冬 再加小食 😋 咖喱都幾多選擇 最後揀咗個比較少見嘅咖喱吉列池魚飯 🍛 烏冬都有好多選擇 見到黑松露忌廉海鮮烏冬 好似好吸引就叫咗嚟試吓 🍜 🍛 咖喱吉列池魚飯咖喱吉列池魚飯係傳統日式咖喱味 驚喜在於咖喱入面有幾粒紫薯喺入面 甜甜哋 兩塊池魚都炸得酥脆香口 平時吉列通常都係炸豬扒 池魚炸起上嚟啖啖肉都好食～ 🍜 黑松露忌廉海鮮烏冬黑松露忌廉海鮮烏冬好香 一送餐就聞到好香濃松露味 本身怕忌廉湯食完好滯 但食落又ok 湯底偏creamy 烏冬彈牙 帶子同三文魚都好食 🤤🍽️ 追加小食因為有啲肚餓 仲叫咗炸物小食 有幾塊南瓜、炸雞 同芝心脆脆 因為食勁多炸嘢怕熱氣 仲叫咗秋葵沙律中和下🤣