瀛豐放題料理專門店 (已搬遷) 新店位置

想任食生蠔，一般都要去酒店自助餐先有，但原來放題店都有！銅鑼灣呢間瀛豐放題專門店主打日式同泰式放題，加錢仲可以任食即開生蠔、海膽帶子，任飲1664生啤，真係超抵食！生蠔上檯時已經震撼到我，以為任食生蠔一定又瘦又細隻，點知隻隻都肥美飽滿，而且帶有淡淡嘅海水味。而海膽帶子亦都係原隻帶子，加上香甜嘅海膽，超足料，食多幾隻真係就已經番哂本！而佢任食刺身選擇都有好多，不過我就覺得都係帶子最正！呢度除左有日式食物之後，東南亞食物都係一大特色！最有驚喜嘅就係甘葉香蒜炒墨魚鬚，墨魚爽脆，味道帶香辣，十分惹味。而佢地嘅串燒沙嗲都好正，有豬、牛、雞三款選擇，平時去泰菜店食半打都幾十蚊，呢度竟然可以任食！要嚟送啤酒真係一流。