長阪燒

營業中

休息中

[ 長阪燒 ]最近留意到旺角朗豪坊附近呢間日式爐端燒餐廳晚市做緊兩款廚師發辦套餐，12道料理每位只係$468同埋$680，價錢好吸引😳！✿ 長阪12旬彩席間料理 $468/位共12品廚師發辦料理，菜式有前菜、刺身、茶碗蒸、天婦羅、燒物、主食、湯品、甜品，而款式每日都有變化😳！前菜磯煮鮑魚 煮得軟嫩入味，海膽汁wasabi豆腐 夠嫩滑。季節刺身（1）日本北海道海膽配帶子味道鮮甜。熟成鰆魚 肉質細膩軟滑而且有煙燻風味。（2）兩款刺身赤貝及八爪魚配搭柚子醋、昆布一齊食好開胃。（3）最中餅 餡料係白蝦配魚子醬，伊達卷 甜甜蛋香味，兩者配搭有咸甜口感😃。茶碗蒸🪺鳥巢造型好有心思😍，蒸蛋用雞蛋殼做容器，仲放有松葉蟹、三文魚籽，口感嫩滑鮮甜咸香。雜錦天婦羅有沙錐魚、秋葵兩款，炸粉夠薄脆👍而且有蘿蔔蓉無乜油膩感，另外有天婦羅汁及抹茶鹽調味。海鮮爐端燒（1）牛油柚子北寄貝 加上高湯一起煮製，鮮甜爽彈多汁😋。（2）燒吞拿魚下顎🐟魚肉超滑魚油豐富😋。燒野菜🔥🍢日式醬汁燒豆腐 外皮超脆口，內裡豆腐軟滑。主食🍚櫻花蝦炒飯 湯品🥣豚肉味噌湯 配牛蒡漬甜品🍰有日本香蕉朱古力卷蛋、紅豆抹茶蕨餅同埋西爪汁，西瓜汁更有個