影片
更多
2010-06-20
72 瀏覽
男友生日, 上年已經食咗無敵鐵板燒, 而今年我就揀咗燒肉, 當然兩樣都係佢至愛啦, 响眾多日式燒肉店中, 揀 ”和宴” 既原因係傳聞既服務好, 環境好同食物質素高 ...<服務>簡直無得再好, 由訂位到慶祝當日至離開, 全部我哋都好滿意 - 首先講訂位吖, 我要求寧靜既地方, 佢哋都安排得好好, 仲安排4人榻榻米, 坐得舒服兼影得盡情; 另外我預先ORDER既甜品 (當蛋糕), 佢哋响好恰當既時間遞上, 完全唔需要俾任何提示, 無破綻, 令到男友有驚喜; 而進食期間, 佢哋加茶同收碟都相當快; 而尾聲抽奬既小玩意, 雖然抽唔中目標, 但佢哋搞氣氛一流, 令男友玩得好開心<環境>跟日本既燒肉店格局好相似, 好有私人空間, 所有枱都有板間隔開, 感覺就真係好似去咗日本咁, 而抽風系統絕對一流, 食完完全唔會有油煙味<食物>特選日本和牛拼盤 $450因為比較鍾意食牛, 一個拼盤有5款唔同部位 (有肉眼, 牛里脊肉, 雪花牛排肉, 牛排肉, 腰脊肉), 每款大約有3塊, 已經可以滿足我哋慾望, 每款燒 6-7成熟已經好正, 當然口感係雪花牛排肉比
<服務>
簡直無得再好, 由訂位到慶祝當日至離開, 全部我哋都好滿意 - 首先講訂位吖, 我要求寧靜既地方, 佢哋都安排得好好, 仲安排4人榻榻米, 坐得舒服兼影得盡情; 另外我預先ORDER既甜品 (當蛋糕), 佢哋响好恰當既時間遞上, 完全唔需要俾任何提示, 無破綻, 令到男友有驚喜; 而進食期間, 佢哋加茶同收碟都相當快; 而尾聲抽奬既小玩意, 雖然抽唔中目標, 但佢哋搞氣氛一流, 令男友玩得好開心
<環境>
跟日本既燒肉店格局好相似, 好有私人空間, 所有枱都有板間隔開, 感覺就真係好似去咗日本咁, 而抽風系統絕對一流, 食完完全唔會有油煙味
<食物>
特選日本和牛拼盤 $450
因為比較鍾意食牛, 一個拼盤有5款唔同部位 (有肉眼, 牛里脊肉, 雪花牛排肉, 牛排肉, 腰脊肉), 每款大約有3塊, 已經可以滿足我哋慾望, 每款燒 6-7成熟已經好正, 當然口感係雪花牛排肉比較好, 有入口即溶既感覺, 每款部位都好有牛味, 同响日本當地食既和牛有得比
澳洲上等和牛厚切牛舌 $198 (6件)
平時多數食薄舌, 想試下厚切既味道同感覺, 不過有d食家覺得麻麻架, 初時我哋燒咗2塊都有同感, 再燒2塊後既感覺完全唔同, 因為第一次燒得比較耐, 出嚟既口感比較硬同乾, 而第二次燒既時間就縮短咗好多, 出嚟既結果係意想不到既好味, 入口軟身但帶少少爽口, 肉身仲保留咗豐富肉汁, $3x 一塊雖然貴, 但絕對值得一試
沖繩吉利豬腩肉 $88
呢個我覺得麻麻, 因為肉燒完出嚟比較乾身, 雖然都切得較薄, 但始終係豬, 燒得耐d比較安全, 結果要點一d醬汁嚟彌補肉既口感
白飯 $30
Size 比魚旦粉既碗細少少, 但絕對值得叫, 因為佢哋用既係日本珍珠米, 之前有食家講過好好味, 但唔試過真係唔會知道點解咁好味, 齋食已經有種令人好想繼續食既感覺, 再加上和牛一齊食, 簡直係絕配, 可以有少少飽肚之剩, 仲可以減少食肉既油膩
菠蘿Sherbet $42
唔係日日都可以食到菠蘿味架… 因為覺得佢外型靚所以搵佢當做birthday cake, 味道比平時食既雪葩濃, 質感就好似係雪糕+冰既混合版, 相當好味, 而且份量都唔少, 試得過, 仲有蘋果/西柚/橙味揀
整體嚟講 : 非常滿意既生日飯, 雖然價錢比較其他燒肉店高, 但我覺得物超所值
二人共消費 : $900
張貼
