TOKYOLIMA

營業中

休息中

放工同朋友揀咗一間主打日式秘魯Fusion菜既餐廳，菜色充滿左創意和驚喜。餐廳燈光昏暗，吊燈裝飾華麗，用餐環境有情調。OYSTER EXTRAVAGANZA （498 p.p)Oyster Free-Flow 套餐亮點 - 生蠔任食，生蠔新鮮肥美，海水味中等。LA CAUSA非常特別既菜色，加入左微辣既黃辣椒醬調味，蝦天婦羅炸至香脆，配搭牛油果慕斯和鮮美既蝦肉他他，每一口都充滿驚喜和滿足。SS Salad V一道清爽既沙律，彈牙嘅蕎麥麵搭配醬油醬汁，配搭清脆既黃瓜和白菜，口感清新。T-3 SALAD 賣相色彩繽紛既沙律，南瓜、番茄、鵪鶉蛋和茴香配搭有創意，加上脆感既杏仁和香甜阮甜薯脆片，口感更加豐富。KI-MO-CHI炸雞外酥內嫩，配搭秘魯辣椒蛋黃醬，有一種獨特既輕微辛辣味，香氣撲鼻。SECRETO慢煮伊比利豬頸肉肉質鮮嫩多汁，肉香味濃郁，加入甜醬油令豬頸肉的味道更加濃郁，蒜片提升層次感。BEEF ADOBO牛面頰肉燉得非常入味，肉質細膩，啤酒醬汁香氣令整道菜既風味更加豐富。OYE MAMI 濃郁既白巧克力慕斯的配搭香脆既自家製餅乾脆片，加入甜甜地既黑糖糖漿和雲呢拿冰淇淋，完美作結。