火柴盒

營業中

休息中

今日去大尾篤郊遊，順便吸下新鮮空氣，同埋搵下美食，因為都知道大尾篤都多特色嘢食嘅餐廳 。咁食lunch我哋去咗火柴盒，叫咗招牌拉麵 櫻花担担軟殼蟹拉麵，湯底入面嘅豆瓣醬個味好好味 同埋有少少辣，加埋佢哋秘制嘅醬油及咖哩粉，真係湯底一流，加埋櫻花蝦原隻軟殼蟹，個賣相十分吸引。另外嗌咗“拉麵由你創”系列，湯底揀咗雞白湯，配料當然係佢哋出名嘅厚叉燒，追加糖心蛋，試下好冇味要試個湯底先，因為雞味嘅湯底比較少喺日本拉麵度見到，而出嚟個效果亦都好fresh，個雞自湯去淆咗好耐，煲出好濃雞湯味 ，特別要提係個厚叉燒，個厚度真係比出面食嘅厚成倍，而且燒得啱啱好又有啲蜜糖响上面，又係食到唔停得口，糖心蛋又係一啖放入口食，超正！跟住食幾口拉麵感覺一流。最後小食點左厚切燒牛脷，唧啲檸檬汁上去食又係冇得頂，個吉列廣島蠔係即叫即炸入面熱辣辣，點埋個沙律醬食我覺得係最match。而飲嘢方面就叫咗菠蘿乳酸特飲同埋青蘋果烏龍茶，坐喺度嘆住海風望出去對面個海灘嘆兩杯凍飲，個人即刻relax曬。有機會踩單車入大尾篤或者嚟郊遊嘅朋友下次一定要好似我咁去火柴盒啦!