元札幌拉麵 (宇晴軒商場) (已結業)

今日同朋友要去個邊買野，咁岩經過依個商場見到有日本野就即刻入去食翻個lunch。間日本野都幾多選擇，有拉麵同定食，仲有咖哩個啲。平時拉麵店都好似有其他定食，依間就咩都有。我地3個都叫咗定食，每份定食都包咗一個麵豉湯，蒸蛋，中華沙律同埋白飯。麵豉湯，個湯都幾入味，吾會話成大煲一齊煲搞到淡晒咁，飲到底都有好多海帶同埋豆腐。蒸蛋，個蛋蒸得吾錯，蒸到岩岩好，吾會過老，所以好滑，仲有甜甜地咁既鮮味。網燒雪花牛扒定食，啲牛燒得吾錯，應該係5成熟，所以吾會過熟，加埋一啲燒汁，都好juicy，送飯真係岩晒呀。蒲燒鰻魚定食，見到朋友塊鰻魚都幾厚身，試咗一舊，啲鰻魚汁都幾入味，而且吾會過咸。炸雞肉定食，一見到啲炸雞就覺得好大件，試咗一舊，果然吾錯，啲肉質好滑，不過就要點翻佢個醬汁做翻個調味比較好。