影片
更多
2023-11-11
58 瀏覽
✒懶人先睇總結.❀食物：性價比超高！可以自帶食物入去叫唎酒師幫你pairing，有by glass同by bottle可以選擇~❀服務：每次見到唎酒師都學到嘢🥹 對於我呢d清酒小白來説極度友好！❀環境：只有一個L字型吧枱，位置不大同其他來客都會好close傾到計❀價錢：$158/人 任飲3小時，自己外賣食物.✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐✒有興趣再詳細睇.「角打」除了有「在酒商店家裡喝酒」的意思，也有人將「在立食居酒屋喝酒」稱作角打(By Google)。在香港呢個文化感覺上不多見，來客可以自己携帶外賣到店搭配清酒。呢家店前身係賣清酒的專門店，新裝修後變成了宜家的「角打」。除咗清酒外，店內亦有少少零食同酒具售賣。店内消費模式主要有三款，1️⃣ 逢星期二 / 四 / 六 任飲優惠 $98/1hrs; $128/2hrs; $158/3hrs (性價比最高)。每期的清酒都會有分別，任飲選擇約莫有10款左右。2️⃣ 店内有數款by glass的選擇，目測大約係 $38-$58/杯。3️⃣ 到店買一整枝sake，如果即買即開720ML的話仲會送2隻酒杯。.不過另外都見到佢地有Fr
✒懶人先睇總結
.
❀食物：性價比超高！可以自帶食物入去叫唎酒師幫你pairing，有by glass同by bottle可以選擇~
❀服務：每次見到唎酒師都學到嘢🥹 對於我呢d清酒小白來説極度友好！
❀環境：只有一個L字型吧枱，位置不大同其他來客都會好close傾到計
❀價錢：$158/人 任飲3小時，自己外賣食物
.
✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐
✒有興趣再詳細睇
.
「角打」除了有「在酒商店家裡喝酒」的意思，也有人將「在立食居酒屋喝酒」稱作角打(By Google)。在香港呢個文化感覺上不多見，來客可以自己携帶外賣到店搭配清酒。呢家店前身係賣清酒的專門店，新裝修後變成了宜家的「角打」。除咗清酒外，店內亦有少少零食同酒具售賣。
店内消費模式主要有三款，1️⃣ 逢星期二 / 四 / 六 任飲優惠 $98/1hrs; $128/2hrs; $158/3hrs (性價比最高)。每期的清酒都會有分別，任飲選擇約莫有10款左右。2️⃣ 店内有數款by glass的選擇，目測大約係 $38-$58/杯。3️⃣ 到店買一整枝sake，如果即買即開720ML的話仲會送2隻酒杯。
.
不過另外都見到佢地有Free Tasting同各類promotion，有興趣就睇返佢地ig啦🤣 我今次去就係附近買了生蠔同川式川燒，分享一下我們試了的酒款：
.
🎈金澤中村屋 純米吟醸生原酒
旨味同鮮味比較突出，因為我地自己帶左生蠔，所以唎酒師推薦呢一款fresh少少的作為opening🍶
.
🎈まんさくの花 純米吟釀 杜氏選拔 特別限定酒
來自秋田縣的一款sake，睇個名都知呢一款係花香味比較重的，另外仲有少少fruity~ 整體味道會比上一款甜少少
.
🎈壽喜心 純米吟釀 雫媛 生原酒
接下來都係一款比較refreshing少少，味道清淡清爽的sake。同樣係配搭前菜~
.
🎈長良川 直詰 純米吟醸 無濾過生原酒
呢一款係我成晚最愛的，講到隔離位都忍唔住試左杯之後買左😂 唎酒師介紹佢個口感係比較通透圓潤。我中意因為佢有個種吉吉地，碳酸感同乳酸感！
.
🎈龍之尾 純米吟釀 MODERN
去到主菜環節我地帶左串燒去食，所以唎酒師幫我地挑選的sake都係口味比較深。呢一款Body順滑通透，有好淡的白肉水果香氣。
.
🎈配搭意粉sake系列
竟然出了一個系列專門係配搭pasta，到底用日本酒配搭西式意粉係咩感覺😂 有興趣的朋友可以帶一份pasta去試試food pairing🫣 呢個系列有三款味道，我覺得味道其實幾近似：
.
👉 Light
味道最輕最清，用作配搭油份重的食物。用pasta做pairing的話就係配搭olive oil或海鮮類的意粉~
.
👉 Mellow
配搭奶油 / 忌廉呢一類比較重味的食物，pasta pairing的話就係carbonara呢一類。
.
👉 Smooth
配搭番茄類酸味比較重的食物，所以呢一款比較上係三款裏面甜少少的，但我地無做pairing直接飲味道都係比較清淡。
.
🎈鷹長 菩提酛 純米酒 生酒
同唎酒師講之前試過熟露枯覺得好特別，雖然唔係我中意既味道，但佢係一種你好難忘記的味道。鷹長同熟露枯都係古酒，不過熟露枯經過熟成味道會更重。鷹長同樣帶到比你焦糖的味道，味道酸帶旨味。
.
✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐
✒其他小資訊
.
👉訂位：平日walk-in好像也可以呢~
👉優惠：太多了，自己睇返人地ig🤣
張貼
