三原 (已搬遷) 新店位置

《三原》由日籍主廚三原光史主理，據說他是日本領事前主廚，我們沒有做太多資料蒐集因為今次係日本同事推介。當日同家人一行四人，先試試lunch menu!訂枱時需要先付訂金，佢哋只有中國銀行戶口，不能轉數快或者Payme，有少少唔方便，希望餐廳可以改善一下付訂金方法。我哋全部都點了Set A，選擇不同嘅主菜，包括A5熊本和牛薄燒和厚燒。值得一提的是師傅知道媽咪揀咗厚燒但不能食生，主動建議佢選薄燒，非常細心。首先上前菜: 沙律和蒸蛋。之後到鵝肝🤩，外脆內軟，充滿油香，配上蒜蓉多士和香甜黑醋，真係想食多一舊。是日海鮮係銀鱈魚，魚肉好滑，魚皮煎得香脆，最驚喜係個配料汁，帶有松露香味，配埋底下嘅配菜，好好味！主菜薄燒和牛裡面包裹著的不是其他餐廳常見的蔥蒜，而是自家準備的配料。我要求3成熟，師傅火喉控制得宜，好好味。另外我都試左老公嘅厚燒和牛，5成熟，牛味濃，不過我個人偏好薄燒💕 配菜亦毫不吝嗇，有蘆筍、蕃薯同冬菇。最後配上炒飯，湯品。