漁匠屋

營業中

休息中

此店位置人流不太旺的小巷中，在屯門近紅橋的位置，前往不算太難。門面新淨光鮮，店舖面積不大，可容納的人不多，有細細L型bar位5個，另加枱數可容十幾人左右。不設訂位，門外排了15分鐘才入座。食物方面，主要是魚生丼，海膽丼之類。本著吃最簡單食品嘅心態，食咗個魚生丼。叫個丼就跟一碗海藻湯，味道少少酸，幾特別，同個丼的味道夾。還有小食芝士一小碟，味道不錯。至於個丼，魚算新鮮，蝦也不差，飯量跟家庭飯碗一樣。如果大胃朋友應該要加追。我就叫了一客唐揚炸雞，一客3件，四十幾蚊 ，不過叫即叫即炸，外脆內軟，算好味，跟平時食嘅炸雞一樣少少醬油味。價錢方面，一碗丼餐都百幾二百蚊，因為主打料好，平貴見仁見智。記得帶現金服務方面，全店兩人一腳踢，一個師傅密密手整丼，另外一個招呼都禮貌。整體感覺良好。